Beon Academy https://beon-academy.am Courses of Acounting, Marketing and more. Fri, 26 Jun 2026 08:29:29 +0000 hy-AM hourly 1 https://wordpress.org/?v=6.7.2 https://beon-academy.am/wp-content/uploads/2023/12/Group-6.png Beon Academy https://beon-academy.am 32 32 Հաշվապահի ճանապարհային քարտեզ https://beon-academy.am/hashvapahi-chanaparhayin-qartez/ Thu, 25 Jun 2026 20:31:44 +0000 https://beon-academy.am/?p=6830
]]> Գրաֆիկ դիզայների ճանապարհային քարտեզ – Copy https://beon-academy.am/grafik-dizayneri-chanaparhayin-qartez/ Thu, 25 Jun 2026 20:19:00 +0000 https://beon-academy.am/?p=6805
]]> ՍՄՄ մասնագետի ճանապարհային քարտեզ https://beon-academy.am/smm-masnageti-chanaparhayin-qartez/ Thu, 25 Jun 2026 19:36:01 +0000 https://beon-academy.am/?p=6789
]]> Skill-based կարիերա․ նոր մոտեցում և ինչպե՞ս կիրառել այն https://beon-academy.am/skill-based-kariera-inchpes-ayn-kirarel/ Wed, 13 May 2026 20:36:44 +0000 https://beon-academy.am/?p=6766

Skill-based կարիերա․ նոր մոտեցում և ինչպե՞ս կիրառել այն

Երբևէ մտածե՞լ եք՝ ինչու նույն մասնագիտությամբ մարդիկ տարբեր արագությամբ են զարգանում կարիերայում։

Պատճառը հաճախ ոչ թե փորձն է կամ պաշտոնը, այլ հմտությունների կիրառումը։

Այսօր կարիերայի դասական մոդելը աստիճանաբար փոխվում է։
Եթե նախկինում զարգացումը նշանակում էր նույն ոլորտում քայլ առ քայլ առաջ շարժվել՝
մասնագետ → ավագ մասնագետ → ղեկավար,
ապա հիմա ուշադրության կենտրոնում այլ բան է՝ հմտությունները և դրանց կիրառելիությունը տարբեր ուղղություններում։

Ավելի ու ավելի արդիական է դառնում «skill-based կարիերան»՝ կարիերա հմտությունների հիմքով։

Դա նշանակում է՝ Դուք զարգանում եք ոչ թե մեկ պաշտոնում, այլ կառուցում եք Ձեր մասնագիտական «կորիզը» և կիրառում այն տարբեր պաշտոններում։
Օրինակ, եթե Ձեր ուժեղ կողմը մարդկանց ուսուցումն ու զարգացումն է, Դուք կարող եք նույն հմտություններով աշխատել՝
  • որպես մեթոդիստ՝ ստեղծելով կրթական ծրագրեր
  • որպես նախագծի ղեկավար՝ կազմակերպելով ուսուցման գործընթացը
  • որպես պրոդուկտ մենեջեր՝ զարգացնելով կրթական պրոդուկտ
Այս մոտեցումը տալիս է կարևոր առավելություններ՝
  • չեք սահմանափակվում մեկ մասնագիտությամբ
  • ավելի արագ եք հարմարվում աշխատաշուկայի փոփոխություններին
Իսկ ամենակարևոր հարցը՝ ինչպես հասկանալ Ձեր ուղղությունը։
Փորձեք հասկանալ՝ կոնկրետ ինչ հմտություններ ունեք և պատասխանել՝
 
  • ի՞նչ եմ ես ամենից լավ կարողանում անել
  • ո՞ր խնդիրների համար են ինձ ամենից հաճախ դիմում
  • ո՞ր գործերում եմ ես իրականում արժեք ստեղծում
]]> Զարգացնում ենք դիզայներական ճաշակը https://beon-academy.am/inchpes-zargacnel-dizaynerakan-hmtutyunnery/ Mon, 11 May 2026 09:05:38 +0000 https://beon-academy.am/?p=6732

Զարգացնում ենք դիզայներական ճաշակը

Պատկերացրու՝ նայում ես որևէ դիզայնի ու վայրկյանների ընթացքում հասկանում՝ ինչն է ճիշտ, ինչն է պետք փոխել ու ինչն է «խանգարում» ամբողջ աշխատանքին։
Սա զարգացած տեսողական ճաշակն է (насмотренность)։
Շատերը մտածում են, որ դա պարզապես շատ պոստեր նայելն է կամ Pinterest-ում երկար ժամանակ անցկացնելը։
Իրականում՝ դա «վարժված աչքն է», որը ձևավորվում է ճիշտ վերլուծության միջոցով։
Այն դիզայների ամենակարևոր հմտություններից մեկն է, որն ուղղակիորեն ազդում է թե՛ աշխատանքի որակի, թե՛ ինքնավստահության ու աշխատանքի արագության վրա։
Երբ տեսողական ճաշակը զարգացած չէ՝ 
  • դիզայնի վրա շատ ժամանակ ես ծախսում,
  • կասկածում ես մտահաղացումներիդ ու գաղափարներիդ վրա,
  • հաճախ կրկնում ես ուրիշների գաղափարները։
Երբ այն զարգանում է՝
  • արագ ես կողմնորոշվում
  • անմիջապես նկատում ես սխալները
  • աշխատում ես ավելի վստահ ու ինքնուրույն
Ամենատարածված սխալը դա պարզապես «սիրուն» աշխատանքներ պահպանելն է՝ 
առանց հասկանալու՝ ինչու են դրանք լավ աշխատում։
Ինչպես զարգացնել դիզայներական ճաշակը`
  • Կրկնիր հաջողված մակետները
Կրկնիր լավ դիզայնները՝ ոչ թե տեղադրելու համար, այլ հասկանալու դրանց կառուցվածքը, բառերի միջակայքերը: Սկզբում կարող ես կրկնել, հետո արդեն փոփոխել՝ ավելացնելով քո գաղափարներն ու ոճը։
 
  • Ընտրիր կոնկրետ ուղղություն
Տիպոգրաֆիկա, կոմպոզիցիա, վեբ կամ UI/UX – կենտրոնացիր մեկ ուղղության վրա ու խորացիր:
 
  • Ընտրիր որակյալ աղբյուրներ
Ավելի լավ է վերլուծել մի քանի ուժեղ աշխատանք, քան պարզապես թերթել հարյուրավոր օրինակներ: Օգտվիր Pinterest, Behance, Dribbble, Mobbin, Awwwards կայքերից և ուսումնասիրիր իրական բրենդների օրինակներ:
 
  • Վերլուծիր, ոչ թե պարզապես նայիր
Բացիր որակյալ նախագիծ ու հարց տուր քեզ՝
-ինչու է սա պրոֆեսիոնալ աշխատանք երևում
-ինչպես է կառուցված
-որոնք են հիմնական 2-3 լուծումները
Փորձիր հասկանալ՝ ինչու են ընտրված այդ գույները, տառատեսակները, ու ինչ տրամաբանությամբ է կառուցված կոմպոզիցիան:
Հիշիր՝ վերլուծությունը հենց այն գործիքն է, որը զարգացնում է քո մտածողությունը ու ճաշակը:
Այն զարգացնելով՝ ժամանակի ընթացքում դու սկսում ես ինքնուրույն տարբերել՝ որն է ուժեղ դիզայն, որը՝ ոչ։ Եվ հենց սա է իրական աճը։

Եթե ուզում ես մասնագիտանալ ու ստեղծել աշխատող, աչք գրավող դիզայններ, իմանալ բոլոր նրբությունները, ուրեմն միացիր Graphic Design for SMM դասընթացին՝

Միանալ
]]> Վախենում եմ, որ չի ստացվի https://beon-academy.am/vaxenum-es-vor-chi-stacvi/ Thu, 09 Apr 2026 22:40:05 +0000 https://beon-academy.am/?p=6666

Վախենում եմ, որ չի ստացվի

Գաղափարը կա, պլանը՝ նույնպես։

 Հնարավոր է՝ նույնիսկ արդեն ունես այն ամենը, ինչ պետք է առաջին քայլն անելու համար։ Բայց սկսելու պահն անընդհատ հետաձգվում է։

Սա հաճախ կապված չէ արտաքին պայմանների հետ։ Ավելի հաճախ պատճառը քո ներսում է՝ վախը, որ կարող է չստացվել։
Չես սկսում, որովհետև կարծում ես՝ դեռ պատրաստ չես։ Բայց իրականում պարզապես սպասում ես այն պահին, երբ կդադարես կասկածել ինքդ քեզ։
 
Այստեղ է հիմնական գաղտնիքը՝ վախը դադարում է ղեկավարել քեզ հենց այն ժամանակ, երբ առաջին քայլդ ես անում։
Դու կարող ես երկար պատրաստվել, սովորել, պլանավորել, բայց մինչև չանցնես գործողությունների, այդ ամենը չի դառնա շոշափելի, իսկ մեզ մոտիվացնում է այն, ինչը մենք տեսնում ու զգում ենք։
 
Հաճախ կենտրոնանում ես վատագույն սցենարի վրա՝ «եթե մի տարի անց ոչինչ չստացվի ու պարզվի, որ ժամանակս իզուր եմ վատնել»։ Բայց նույնքան կարևոր է քեզ հարց տալ նաև հակառակ ուղղությամբ՝ իսկ եթե մի տարի անց հետ նայես ու հասկանաս, որ չէիր ունենա այն, ինչ ունես, եթե չանեիր այդ մեկ, առաջին քայլը։

Երբ ասում ես՝ «ինձ ժամանակ է պետք», շատ դեպքերում դա նշանակում է, որ դու փորձում ես խուսափել անորոշությունից։ 
Բայց եթե արդեն ունես գիտելիքի պաշար, պլանավորել ես քայլերդ, ուրեմն սկսիր գործել, դու պատրաստ ես։ Պարզապես մի փոքր վախենում ես։ Եվ դա նորմալ է։

Երբեմն թվում է, թե հաջողության հասած մարդիկ պարզապես ավելի տաղանդավոր են, ավելի հաջողակ կամ ունեն մեծ կապեր։ 
Իրականում նրանք նույնպես ունեցել են նույն վախերը։ Տարբերությունն այն է, որ նրանք սկսել են՝ ոչ թե որովհետև վստահ էին, այլ որովհետև որոշել էին չսպասել այդ վստահությանը։

 

Եթե չստացվի՝ արդյունքում դու ձեռք կբերես փորձ, նոր հմտություններ, ավելի հստակ պատկերացում, թե ինչ անել հետո։ Իսկ եթե չփորձես՝ կմնա միայն մի միտք, որը շարունակելու է քեզ անվերջ տանջել՝ «իսկ եթե ստացվե՞ր»։
 
Հիշի՛ր՝ իրականում ձախողումը ոչ թե սխալվելն է, այլ այն ժամանակը, որն անցնում է «իսկ եթե»-ների ու վախերի մեջ։
]]> Ինչպես գտնեմ ԻՄ գործը https://beon-academy.am/inchpes-gtnel-im-gorcy/ Thu, 09 Apr 2026 22:24:59 +0000 https://beon-academy.am/?p=6658

Ինչպես գտնեմ ԻՄ գործը

Մանկուց մեզ հարցնում են․ 

«Ի՞նչ ես ուզում դառնալ»։
Ասես կա մի ճիշտ պատասխան, մի մասնագիտություն կամ աշխատանք, որը պարզապես պետք է գտնես, ու մի ամբողջ կյանք հաճույքով զբաղվես դրանով:
 
Բայց իրականում դա այդպես չէ: 
Մենք սկսում ենք փնտրել։ Մեկ տարի, հինգ տարի, երբեմն՝ ավելի երկար։ Փոխում ենք աշխատանքներ, մասնակցում տարբեր ծրագրերի, փորձում հասկանալ ինքներս մեզ։
Նույնիսկ փորձում ենք «հաշվել», թե որտեղ պետք է համընկնեն մեր հետաքրքրությունները, հմտությունները, եկամուտը և օգտակարությունը։
 
Բայց հաճախ ոչինչ չենք գտնում, որովհետև իրականում փնտրելու բան չկա։ «Քո գործը» պատրաստ վիճակում ինչ-որ տեղ չի սպասում, որ դու այն հայտնաբերես։ 
Կա մի կարևոր օրինաչափություն՝ մենք չենք սկսում ինչ-որ բան սիրել, որովհետև այն «մերն է»։
 
Մենք սկսում ենք սիրել այն, ինչում հմտանում ենք ու զգում ենք, որ դա մեզ մոտ լավ է ստացվում: 
Սկզբում՝ սովորական հետաքրքրություն է:
Հետո՝ փոքր առաջընթաց: Հետո՝ վստահություն:
 
Ու միայն հետո՝ զգացողություն, որ «սա իմն է»:
 
Ահա քեզ փոքրիկ ուղեցույց՝ Քո գործը գտնելու ճանապարհին՝ 
  • մի փորձիր «ճիշտ ընտրություն» գտնել
  • ընտրիր մի բան, որը գոնե ինչ-որ չափով հետաքրքիր է քեզ
  • տուր քեզ ժամանակ՝ զարգանալու դրա մեջ
  • վերլուծիր՝ արդյոք ուզում ես շարունակել
  • եթե ոչ՝ փոխիր ուղղությունը առանց վախի
Սա շատ ավելի արդյունավետ է, քան տարիներով սպասելը։
Քո գործը չի հայտնվում պատրաստ վիճակում։ Այն ձևավորվում է քո ընտրությունների, փորձի ու աշխատանքի արդյունքում։
]]> Այս ցուցանիշները պետք է ստանաք ձեր հաշվապահից ամեն ամիս https://beon-academy.am/inch-cucanishner-stanal-hashvapahic-amen-amis/ Thu, 26 Mar 2026 21:24:08 +0000 https://beon-academy.am/?p=6597

Այս ցուցանիշները պետք է ստանաք ձեր հաշվապահից ամեն ամիս

Բիզնեսի ֆինանսական վիճակը հասկանալու համար միայն եկամուտների ու ծախսերի ընդհանուր թվերը բավարար չեն։ 

Կան մի քանի կարևոր ցուցանիշներ, որոնք ամեն ամիս պետք է ստանաք հաշվապահից՝ հասկանալու համար, թե իրականում ինչ վիճակում է բիզնեսը և ինչ ուղղությամբ է այն շարժվում։

1․ Իրացվելիություն
Այս ցուցանիշը ցույց է տալիս՝ որքանով են կազմակերպության ընթացիկ մուտքերը բավարարում ընթացիկ ելքերին։
Այլ կերպ ասած՝ արդյո՞ք բիզնեսը ունի բավարար միջոցներ իր ընթացիկ պարտավորությունները ժամանակին կատարելու և բնականոն աշխատանքը ապահովելու համար։ Այս ցուցանիշը չունենալու դեպքում հնարավոր է ուշ նկատվի դրամական հոսքերի անհավասարակշռությունը և առաջանան վճարումների հետ կապված դժվարություններ։
2․ Տարբեր գործունեությունների շահութաբերություն
Եթե կազմակերպությունը զբաղվում է մի քանի տարբեր գործունեություններով, կարևոր է հասկանալ դրանցից յուրաքանչյուրի շահութաբերությունը։
Այս տվյալը օգնում է տեսնել, թե որ ուղղությունն է բիզնեսի համար առավել եկամտաբեր, և որտեղ է նպատակահարմար կենտրոնացնել ավելի շատ ռեսուրսներ։
3․ Դեբիտորական և կրեդիտորական պարտքերի շրջանառելիություն
Այս ցուցանիշները ցույց են տալիս պարտքերի շրջանառության ժամանակահատվածը՝ օրերով։
Դեբիտորական պարտքերի դեպքում պարզ է դառնում, թե միջինում որքան ժամանակում են հաճախորդները վերադարձնում կազմակերպությանը պատկանող գումարները։
Կրեդիտորական պարտքերի դեպքում երևում է, թե կազմակերպությունը միջինում որքան ժամանակում է կատարում իր վճարումները մատակարարներին և գործընկերներին։

Այս տվյալները միասին օգնում են հասկանալ բիզնեսի ֆինանսական կայունությունը, դրամական հոսքերի վիճակը և զարգացման իրական հնարավորությունները։

]]> Ի՞նչ սպասել/ ի՞նչ չսպասել սմմ դասընթացից https://beon-academy.am/inch-spasel-inch-chspasel-smm-dasyntacic/ Thu, 26 Mar 2026 21:17:40 +0000 https://beon-academy.am/?p=6586

Ի՞նչ սպասել/ ի՞նչ չսպասել սմմ դասընթացից

Սպասել՝
Դասընթացից հետո կիմանաս՝ ինչպես պայմանավորվածություններ ձեռք բերել գործատուի հետ, որոնք են ՍՄՄ մասնագետի պարտականությունները, իսկ որոնք ոչ, ինչը քեզ կօգնի շահավետ գործարքներ ունենալ ու բացառել աշխատանքային հիասթափությունները։
 
 
 
 
 
 
]]> Հաշվապահություն 0-ից դասընթացի ուսանողի հաջողության պատմություն https://beon-academy.am/hashvapahutyan-dasyntaci-usanoxi-patmutyun/ Thu, 19 Mar 2026 20:15:18 +0000 https://beon-academy.am/?p=6569

Հաշվապահություն 0-ից դասընթացի ուսանողի հաջողության պատմություն

Ես Նարեկն եմ՝ ՀՊՏՀ Գյումրու մասնաճյուղի 3-րդ կուրսի ուսանող։
 
Ֆինանսների ոլորտը ինձ միշտ հետաքրքրել է իր ճշգրտությամբ, վերլուծական մտածողությամբ և պատասխանատվությամբ։
 
Բայց համալսարանում սովորելու ընթացքում հասկացա, որ միայն տեսական գիտելիքը բավարար չէ:
 
Իրական մասնագետ դառնալու համար անհրաժեշտ է նաև պրակտիկ փորձ։
 
Այդ պատճառով որոշեցի ավելի խորանալ հաշվապահության մեջ և միացա ԲիՕնի «Հաշվապահություն 0-ից» դասընթացին։
 
Սովորում էի 95-րդ խմբում։
 
Դասերի ընթացքում ոչ միայն նոր գիտելիքներ ստացա, այլև աշխատեցի իրական օրինակների վրա, ինչը օգնեց ավելի լավ հասկանալ մասնագիտության պահանջները։
 
Փորձում էի ակտիվ մասնակցել դասերին, լավ արդյունքներ ցույց տալ և առավելագույնը վերցնել դասընթացից։
 
Այդ աշխատանքն աննկատ չմնաց:
 
Որոշ ժամանակ անց ինձ առաջարկեցին միանալ ԲիՕնի թիմին և աշխատել որպես հաշվապահ։
 
Այսօր արդեն կես տարուց ավելի է, ինչ աշխատում եմ ԲիՕնում։
 
Այստեղ ամեն օրը սովորելու նոր հնարավորություն է։
 
Գործնական աշխատանքի ընթացքում ձեռք եմ բերում փորձ և ավելի լավ եմ հասկանում մասնագիտության պատասխանատվությունը։
 
Ժամանակի ընթացքում հասկացա, որ ֆինանսները պարզապես թվեր ու հաշվարկներ չեն։
 
Յուրաքանչյուր թիվ իր հետևում ունի որոշում, պատասխանատվություն և բիզնեսի իրական գործընթացներ։
 
Ուրախ եմ, որ իմ մասնագիտական ճանապարհի առաջին կարևոր քայլերը սկսել եմ հենց ԲիՕնում։
]]>