Երբ բացվեց ակադեմիան, կար միայն «Հաշվապահություն 0-ից» դասընթացը: Ընթացքում լսելով ուսանողների կարծիքներն ու ցանկությունները, հասկացանք, որ հետաքրքրությունը մեծ է նաև այլ պահանջված ոլորտների նկատմամբ: Ավելացրինք նոր մասնագիտացված ուղղություններ, և այժմ ԲիՕն ակադեմիայում կարող ես մասնակցել «It’s time for SMM», «Graphic design for SMM», «Ամերիկյան հաշվապահություն» դասընթացներին: 

Սկզբում դասընթացների տևողությունը չէր գերազանցում 4 ամիսը: Բայց մեզ համար առաջնային է, որ ուսանողները ստանան խորացված ուսուցում ու տիրապետեն մասնագիտության բոլոր մանրամասներին ու առանձնահատկություններին: 

Հենց այդ պատճառով էլ դասընթացների տևողության երկարացումը դարձավ կարևոր փոփոխություն, որպեսզի հնարավոր բոլոր թեմաների համար ուսանողները կատարեն լիքը գործնական աշխատանքներ ու հասկանան մասնագիտության պահանջները, որոնք լինելու են իրական աշխատանքի ընթացքում:

 

Յուրաքանչյուր դասընթացի համար մենք կազմել էինք գրքեր, որոնք պարունակում էին մասնագիտությանը վերաբերող բոլոր կարևոր տեսական նյութերը: Բայց ժամանակի ընթացքում հասկացանք, որ լիարժեք ուսուցման համար դա բավարար չէ, ու պետք է ծրագրում գերակշռեն գործնական առաջադրանքները: 

Այժմ բոլոր դասընթացների ժամանակ ուսանողները կատարում են մի շարք առաջադրանքներ, որոնք զարգացնում են գործնական հմտությունները ու սովորեցնում իրական աշխատանքի բոլոր նյուանսները՝ դարձնելով նրանց աշխատաշուկային պատրաստ մասնագետներ: 

Դասընթացների գործնական հատվածը իրականացնելու համար ուսանողներին  անհրաժեշտ են համակարգիչներ: Ու նրանց հարմարավետության համար մենք դա պետք է ապահովեինք ուսման ընթացքում: Այժմ ունենք համակարգչային տեխնիկայով հագեցած լսարան, որտեղ յուրաքանչյուր ուսանող ունի իրեն հատկացված աշխատանքային համակարգիչը։

Ուսանողների համար կազմեցինք մեկ ամբողջական փաթեթ՝ գրքերից մինչև գործնական ֆայլեր, որպեսզի ուսանողը սովորի հստակ կառուցված ծրագրով՝ առանց որևէ բանի մասին մտածելու։