Ներկայի ու ապագայի 5 ամենապահանջված հմտություններն աշխատանքում
Ժամանակակից աշխարհում կարիերայում հաջողելու համար հարկավոր են 2 տեսակ հմտություններ՝ մասնագիտական ու անձնային։
Անշուշտ մասնագիտական հմտությունները մեծ դեր ունեն, սակայն աշխատանքում աճ գրանցելու համար առավել կարևոր դեր են կատարում անձնային հմտությունները։
Սրա պատճառը առավելապես շատ մասնագիտական աշխատանքների փոխարինումն է տարբեր ծրագրերով եւ ավտոմատացման համակարգերով, ի նչը երբեմն վախ է առաջացնում՝ որ այդ ծրագրերը կարող են՝
Հենց այստեղ են օգնության գալիս անձնային հմտությունները՝ soft skills-ը, որոնց շնորհիվ մենք ավելի ուժեղացնում և արժեքավոր ենք դարձնում մեր մասնագիտական գիտելիքներն ու հմտությունները։
Գոյություն ունեն 5 առաջնային հմտություններ, որոնք քեզ ավելի պահանջված մասնագետ կդարձնեն ինչպես ներկայիս, այնպես էլ ապագայի աշխատաշուկայում։
Առաջինը՝ կենտրոնացման կարողությունն է։
Սա հաջող աշխատանքի իրականացման 50 տոկոսն է։ Եթե կենտրոնացած չես աշխատանքիդ վրա, ապա մոռացիր, որ կկարողանաս այն արագ ավարտին հասցնել։ Կենտրոնացումը երբեմն բարդ գործընթաց է, հատկապես որ ժամանակակից աշխարհում ամեն ինչ «կազմակերպված է» այնպես, որ մեզ շեղող գործոնները հնարավորինս շատ լինեն։ Այսպիսի գործոններից են օրինակ համացանցն ու նրա «արագ» ինֆորմացիայի աղբյուրները, շրջապատի անընդհատ աղմուկը և մեր օրեցօր ավելի մեծացող շտապողականությունը։
Կենտրոնացումը բարձրացնելու համար պետք է դրսևորել մեծ կամքի ուժ։ Որեւէ աշխատանք սկսելիս հնարավորինս կրճատիր թվարկված շեղող գործոնների առկայությունը քո շրջապատում։
Կարողանալ սխալվել «էժան» ու արագ։
Որքան էլ գիտակ ու փորձառու լինենք մեր մասնագիտության մեջ, միևնույն է, սխալներից լիովին խուսափելն անհնար է։ Այդուհանդերձ, շատ կարևոր է, որ այդ սխալները չլինեն ճակատագրական ոչ մեզ, ոչ էլ գործատուի համար։ Սխալվելու դեպքում անհրաժեշտ է լինել հնարավորինս հնարամիտ և փորձել հարցին տալ արագ լուծում՝ մաքսիմալ կրճատելով հավանական վնասները։
Միևնույն հարցին տարբեր կողմերից մոտեցում։
Անկախ նրանից՝ աշխատում ես միայնակ թե թիմում, առաջանում են խնդիրներ, որոնք պահանջում են համապատասխան լուծում։ Ցանկացած խնդիր ունի մի քանի կողմ և հնարավոր մի քանի լուծում։ Երբ առաջանում է խնդիր թիմում, յուրաքանչյուրը պնդում է հարցի լուծման իր տարբերակը՝ ելնելով ունեցած փորձից, հմտություններից և արժեքներից։ Նման դեպքում հարցին տարբեր կողմերից մոտեցում տալը խելամիտ քայլ է՝ առանձնացնելով լուծման մի քանի տարբերակ ու ընտրելով այն մեկը, որը կպարունակի ամենաքիչ ռիսկը։
Մասնագիտական «հոտառություն»։
Սա ամենակարևոր և արժեքավոր հմտություններից մեկն է, որը, ցավոք, նպատակային զարգացնել հնարավոր չէ։ Այն ձևավորվում է երկարատև փորձի արդյունքում։ Հենց մասնագիտական հոտառության շնորհիվ է, որ մենք հաճախ գտնում ենք պատասխաններ այնպիսի հարցերին, որոնք առաջին հայացքից չունեն պատասխաններ, առաջարկում ենք լուծումներ խնդիրներին, որոնց հետ երբևէ չենք առնչվել։
Հանդուրժողականություն մարդկանց նկատմամբ։
Աշխատանքի հաջողության անխուսափելի գործոն է առողջ միջավայրը։ Աշխատանքի արդյունավետության բարձրացման համար հարկավոր է դրսևորել հանդուրժողականություն մարդկանց նկատմամբ։ Սա կարևոր մշակույթ է, որը պետք է ձևավորել ոչ միայն հաճախորդների, գործընկերների հանդեպ, այլև կազմակերպության ներսում։ Լսելով և հարգելով դիմացինի կարծիքը՝ նվազեցնում ես հակասությունները։ Իսկ համերաշխ միջավայրում աշխատակիցները լավագույնս են համագործակցում։
